“Tula ng Katapatan sa Paglilingkod”

GLAMENSINE KINGDOM AND THE QUEST FOR TRUE LOVE

“Tula ng Katapatan sa Paglilingkod”

Kinatha ni: Celemy Springs Plato (2nd Pen-Name ni Shien Winters Socrates)

Note: Isinulat noong siya ay kasalukuyang nag-a-undergo ng special On-the-Job-Training sa Departamentuz te Edukaduz, sa bayan ng Lengwa, sa lalawigan ng Praktisaduz, sa bansang Palañas.

Abril 24, 2012

Katapatan sa Paglilingkod

Iisa lang ang kulay ng matapat na budhi

Taong tapat, ni sa kaaway di namumuhi;

Karapat-dapat pamarisan ang karakter,

Di matitibag, parang matibay na pader!

Narito ang taong tapat sa paglilingkod

Sa paningin ng Diyos ay kalugud-lugod!

Pagnanais niyang maging tapat sa lahat

Karangalan para sa kanya ang nararapat.

Wala na siyang iba pang motibo kundi

Tungkuling maayos ang syang minimithi

Hangad nyang maging mahusay sa gawa

At patunayan ang katapatan hindi sa salita.

May tao mang tumitingin sa kanya o wala,

Di nag-iiba ang kanyang panukala at gawa;

Iisa ang hangarin sa mga pagpupunyagi,

Mapapurihan ang Diyos na Maluwalhati!

Tunay ngang ang bawat araw ay pagsubok:

Ilantad ang nasa loob: malinis kaya o bulok?

Anuman ang nasa puso ay mahahayag din,

Sapagkat ang Diyos ay nakatingin sa atin!

Ikaw ma’y mareklamo, tamad, o mahina,

O kaya’y malakas, masinop, at mapayapa:

Malalaman sa mga asal, kilos mo’t gawi,

Kung pulido o ipokrito ang tunay na ugali.

(Posted by: Ransel Fernandez Villaruel)

On-the-Job-Training